ناڅرګند ویروس او د واکسین د عملي کیدو بهیر: روغتیايي مسولانو د پوهاوي ورکولو په برخه کې د مدني ټولنې د همکارۍ غوښتنه کړې.

 خلکو سره د دولت د مرستو د پروګرام له پیله، دا پروګرامونه له ډیرو ستونزو له هغې ډلې امنیتي ګواښونو، د روڼتیا نشتوالي او د بودیجې په ځنډ رسیدو سره مخامخ وو، خو د کرونا د واکسین د پلي کیدو په برخه کې هغه څه چې د کرونا واکسین د پلي کیدو په وړاندې متفاوت خنډ بلل کیږي دې واکسین په اړه د یوشمیر هیوادوالو منفي لیدلوری دی چې د دغه واکسین د نه عملي کیدو لامل شوی دی. په هرات ولایت کې د واکسین د تطبیق مرکز مسوولانو د مدني ټولنې او بشري حقونو د شبکې له همغږي کونکي سره په مرکه کې ویلي چې یوشمیر هیوادوال اوس هم د ټیټانوس او پولیو واکسینونو له عملي کیدو سره مخالفت کوي او تر اوسه د دغو واکسینونو د عملي کیدو په وړاندې قانوني خنډونه لیرې شوي ندي چې دا وضعیت د کرونا واکسین په عملي کیدو هم اغیزه کړې ده. دغو مسوولانو له مدني ټولنې غوښتي دي چې خلکو ته د اړینو واکسینونو له هغې ډلې د کرونا واکسین د ترلاسه کولو په اړه د پوهاوي په برخه کې مرسته وکړي.د مدني ټولنې او بشري حقونو شبکې همغږي کونکو په یوشمیر ولایتونو له هغې ډلې په هرات ولایت کې د کرونا واکسین د عملي کیدو په بهیر د څارنې پرمهال یوشمیر ستونزې په ګوته کړي چې په لاندې ډول دي: هراتد ۲۸ زره او ۸۸۰ ډوز واکسین څخه چې هرات ولایت ته ځانګړی شوی وو، ۸۰ زره ډوزه نظامیانو او پاتې روغتیايي کارکونکو، ښونکو او خبریالانو ته ځانګړی شوی وو. دا په داسې حال کې ده چې د دغه ولایت د مسوولانو په وینا یاد شمیر ځانګړی شوی واکسین د هرات ولایت ټولو وګړو ته کفایت نکوي او تر دې ډیر شمیر واکسین ته اړتیا شته. همداراز د دې ولایت مسوولان زیاتوي چې خلک د کرونا واکسین په اړه…

Continue Reading ناڅرګند ویروس او د واکسین د عملي کیدو بهیر: روغتیايي مسولانو د پوهاوي ورکولو په برخه کې د مدني ټولنې د همکارۍ غوښتنه کړې.

د ملي دستارخوان او کرونا واکسین عملي کیدو ته لنډه کتنه؛ په تیرو دوه اونیو کې څه تیر شول؟

د روان کال د کب میاشتې په لومړیو کې د هند هیواد لخوا د مرسته شویو واکسینونو د عملي کیدو د بهیر له پیله وروسته، بیلابیلې ډلې لکه امنیتي او روغتیايي کارکونکي، خبریالان او ښونکي په مختلفو ولایتونو کې دې بهیر کې شامل شول. خو دا بهیر په ځینو ولایتونو کې له ستونزو سره مل وو چې اندیښنې هم راپارولي دي.  په یوه ولایت کې یواځې اووه ښونکو ته د کرونا واکسین لګول شوی دی او پاتې ښونکي، مدیران او د ښونځیو کارکونکي د ناوړه تبلیغاتو له امله د کرونا واکسین اخیستو ته حاضر شوي ندي. د ملي دستارخوان د عملي کیدو پروګرام هم په ځینو ولایتونو کې له ستونزو سره مخامخ وو او خلکو د دغو مرستو له ویشه رضایت نه درلود. طالبانو په یوشمیر ولایتونو لکه پکتیا او تخار کې اجازه ورنکړه چې دا مرستې اړمنو ته ورسیږي. په ځینو نورو ولایتونو کې زورواکي د دغو مرستو د ځنډیدو لامل شوي او له خپل زوره په ګټې اخیستو ېې مرستې ترلاسه کړي دي. د واکسین د عملي کیدو بهیر د مدني ټولنې او بشري حقونو شبکې همغږي کونکو له مختلفو ولایتونو په راپور کې لیکلي چې د واکسین د لګول کیدو بهیر پیل شوی او د دغه بهیر په ښه توګه عملي کیدو په موخه د روغتیايي مسوولانو د یولړ اقداماتو خبر ورکوي چې له هغې ډلې به څو مثالونه هم ذکر کړو. پکتیا له پکتیا ولایته راپورونه وايي چې له هنده وارد شوي واکسین څخه ۱۲ زره او ۳۷۰ ډوزه ېې دغه ولایت ته ترسیدلی دی. ټاکل شوې په لومړي سر کې دا واکسین روغتیايي کارکونکو او وروسته امنیتي ځواکونو ته ولګول شي. د یاد ولایت د روغتیايي مسوولانو په وینا د ورځې په منځنۍ توګه تر دوه سوه روغتیايي کارکونکي واکسین کیږي. لغمان پنځه زره او ۳۰۰ سوه ډوزه واکسین لغمان ولایت ته ځانګړی…

Continue Reading د ملي دستارخوان او کرونا واکسین عملي کیدو ته لنډه کتنه؛ په تیرو دوه اونیو کې څه تیر شول؟

تر اوسه هم حق حقدار ته نه رسیږي

په تیرو دوه اونیو کې د ملي دستارخوان پروګرام او کرونا واکسین عملي کیدو ته لنډه کتنهد ملي دستارخوان اړوند پروګام د مرستو د ویش بهیر له پیله د څو میاشتو په تیریدو تر اوسه هم په ځینو ولایتونو او سیمو کې د دې پروګرام روڼتیا د تایید وړ نده او د هیواد په مختلفو سیمو کې یوشمیر خلک د دغه بهیر د روڼتیا په اړه شکایت لري. د مدني ټولنې او بشري حقونو شبکې په مختلفو ولایتونو کې پر دې پروګرام د څارنې پرمهال ځینې موارد پیدا کړي دي چې د دې بهیر روڼتیا او عادلانه والی تر پوښتنې لاندې راولي؛ لکه داړمنو کورنیو پرځای د شورا د رییس خپلوانو ته مرستو ویش او په بامیانو ولایت کې د مرستو د بستو نا تکمیل والی.په بامیانو ولایت کې د مدني ټولنې او بشري حقونو شبکې همغږی کونکی وايي چې تر اوسه د ورس ولسوالۍ په ۷۸ شوراګانو کې ۲۴ زره او ۳۷۰ تنو ته مرسته شوي توکي ویشل شوي دي او دا بهیر دوام لري. هغه زیاتوي «د څو شوراګانو غړي له هغې ډلې د «قول جوی چجین»، «سفید اوبه چجین»، «قوم بیل‌داد»،  «تگاب غار» وڅو نورې شوراګانې د موادو د ویش په اړه شکایتونه لري.» دخلکو د ویناو پر بنسټ د سفید اوبه په شورا کې د شورا رییس چې دوه کورنۍ دي شپږ کارتونه ېې ترلاسه کړي دي، دا په داسې حال کې ده چې پنځه بې وزله کورنۍ په نوملړ کې ندي راوستل شوي. اخوا د قول جوی چجین په شورا کې د پنځو مرسته شویو موادو له ډلې چې وړه، غوړي، وریجې، لوبیا او صابون دي، دوه قلمه ېې(صابون او لوبیا)  هیڅ ویشل شوي ندي. دا راپور وايي د قوم بیل داد په شورا کې چې له اتیا کورنیو جوړه شوې ده، تر ډیره خوراکي توکي د شورا د رییس خپلوانو ته ویشل…

Continue Reading تر اوسه هم حق حقدار ته نه رسیږي

د کورونا په جریان کې د حکومتي مرستو برنامو مبهم برخلیک؛ په ور ته وخت کې اړمنوخلکو د ګواښونه او اور سره مخامخ کیدل

د ولسي مرستو د بهیر له هغې ډلې د ملي دستارخوان په چوکاټ کې د مرستو بهیر له ډیرو هسکو او ټیټو سره مخامخ دی.  د مرستو له بودیجې د مختلفو کسانو له هغې ډلې په مرکز او ولایتونو کې د دولتي چارواکو لخوا ناوړه ګټه اخیستل، د مرستو په شرایطو نه برابرو کسانو ته مرسته ورکول، د طالبانو له لوري د تسهیل کونکو ګواښل او همداراز د دې ډلې لخوا د مرستو د بستو تښتول له هغو مواردو دي چې تر اوسه د مرستو د ویش په برخه کې راپور ورکول شوی دی. سربیره پر دې د روغتیايي خدمتونو د وړاندې کولو په یو وروستي مورد کې کابو درې اونې وړاندې د غور په ولایت کې د کویدـ۱۹ روغتون د اور په لمبو کې وسوځیده چې لامل ېې د ګازو د ډبې چاودنه بلل شوی دی. د مدني ټولنې او بشري حقونو شبکه چې د کرونا د وبا پرمهال د دولت د روغتیايي خدمتونو د څارونکي بنسټ په توګه فعالیت کوي دې بنسټ ته د رسیدلو راپورونو په بنسټ په دې اورلګیدنه کې د دغه روغتون زیرمتونونه او اداري برخې په بشپړه توګه سوځیدلي دي خو د آزمایښت خونو او ناروغانو برخې ته هیڅ زیان ندی رسیدلی. ویل کیږي چې په دې روغتون کې د اور د پراختیا د مخنیوي امکانات هم موجود نه وو. له دې  پیښې لنده موده وروسته د افغانستان د اسلامي جمهوریت څیړونکي ادارې په څو ولایتونو کې د کرونا له مرستو د ناوړه ګټې اخیستو خبر ورکړ. هشت صبح ورځپاڼې د دغې ادارې د مشرې غزال حارس له قوله راپور ورکړی چې د کرونا بودیجه په ولایتونو کې د پراخ فساد او تالاکیدو سره مخامخ شوې ده او روغتیايي تجهیزات او نور د اړتیا وړ توکي د بازار له نرخه سلګونه میلیونه ډالره لوړ پیرل شوي دي. دې ادارې  له شپاړسو ولایتونو…

Continue Reading د کورونا په جریان کې د حکومتي مرستو برنامو مبهم برخلیک؛ په ور ته وخت کې اړمنوخلکو د ګواښونه او اور سره مخامخ کیدل

د لږکیو د عدالت غوښتنې کمیټې لپاره روزنیز پروګرام

د مدني ټولنې او بشري حقونو شبکې د ۲۰۲۱ میلادي کال د فبرورۍ په ۷، ۱۱ او ۱۲ چې د ۱۳۹۹ کال د دلوي په ۱۹، ۲۳ او ۲۴ د لږکیو د عدالت غوښتنې کمیټې لپاره د شواهدو په بنسټ د عدالت غوښتنې تر عنوان لاندې روزنیز پروګرام جوړ کړ. په دې روزنیز پروګرام کې کابو ۳۰ لږکیو استازو[ ګوجر، پشه يي، نورستاني، تیموري، ایماق، قزلباش، سادات، جوګي، مغل، ترکمن، بلوچ او...] ګډون کړی وو. د دې پروګرام روزونکی ښاغلی شریف الله شرافت چې د مدني ټولنې سابقه لرونکی فعال او د پوهنتون استاد دی. ښاغلي شرافت په معتبرو ملي او نړیوالو سازمانونو کې د عدالت غوښتنې په برخه کې ګډون کړی دی. هغه په لومړۍ ورځ د مدني ټولنې [ د مدني ټولنې او لومړنۍ ټولنې ترمینځ توپیر، د مدني ټولنې د جوړونکو عناصرو، دموکراتیکه ټولنه، د دموکراتیکې ټولنې اجزاو او وګړنیزو حقونو] په اړه معلومات وړاندې کړل. ښاغلي شرافت د دې پروګرام په دویمه ورځ، د عدالت غوښتنې او د هغې د اجزاو اوهمداراز د بشري حقونو په کنوانسینونو او د افغانستان په قوانینو کې د لږکیو د ملاتړ په اړه معلومات وړاندې کړل. د خپرونې په دریمه ورځ د عدالت غوښتنې په بڼې [ د اعلامې په لیکلو، لاریونونو، مدني نافرماني، د څیړنې په ونډې د لاسلیکونو په راغونډولو او ...] خبرې وکړې او اړین معلومات ېې وړاندې کړل. اخوا په دې غونډه کې له لږکیو سره د همغږې په چارو کې د ولسمشر لوی سلاکار ښاغلي صاحب نظر سنګین هم ګډون کړی وو او په دې غونډه کې د لږکیو د وضعیت او د دغو ډلو لپاره د عدالت غوښتنې په اړه خبرې وکړې. د خپرونې وروستۍ برخه آزاد بحث وو چې د وړاندیزونو، نیوکو او حل لارو وړاندې کول وو. همداراز د شبکې لخوا هغو کسانو ته ستاېن لیکونه هم ورکول شول چې د پروګرام…

Continue Reading د لږکیو د عدالت غوښتنې کمیټې لپاره روزنیز پروګرام

«راځې چې ملت جوړونه له لږکیو پیل کړو»

د لږکیو د عدالت غوښتنې کمیټې، د اقلیتونو د ټولنیز پېوستون او هوساینې په چارو کې د جمهوري ریاست د عالي مقام ستر سلاکار  سره لیدنه وکړه. دا غونډه د سه شبنې په ورځ د ۱۳۹۹ د سلواغې میاشتې ۲۷ چې د ۲۰۲۱ زیږدیز کال د فیبرورۍ له ۱۶ سره برابره ده د ښاغلي صاحب نظر سنګین په دفتر کې جوړه شوه چې ښځو او نارینه ګانو په ګډون د قومي او مذهبي ډلو کابو دیرشو استازو ګډون کړی وو.د دې غونډې په پیل کې د مدني ټولنې اوبشري حقونو د شبکې د عدالت غوښتنې برخې مسوول ښاغلي جواد دروازیان، د لږکیو د عدالت غوښتنې د کمیټې او په ۲۰۱۹ میلادي کال کې د دې ډلې د فعالیتونو په اړه معلومات ورکړل او وې ویل: دا کمیټه تر ډیره د قومي، مذهبي او ژبني تبعیض لمینځه  وړو او همداراز د هیواد په راتلونکي برخلیک لکه د سولې بهیر په څیر پړاونو کې د لږکیو د شاملولو په برخه کې فعالیت کوي. ښاغلي دروازیان زیاته کړه: په خواشینۍ سره چې یوشمیر تبعیضي طرزالعملونه او قوانین شته چې بیاکتنې ته اړتیا لري. له بل لوري نه یواځې دا چې تبعیض په قوانینو بلکې په عمل کې هم د پراختیا په حال کې دی.د مدني ټولنې او بشري حقونو شبکې د عدالت غوښتنې برخې مسوول همداراز وویل چې ولسمشرې ماڼې د ۲۰۱۷ میلادي کال د دیسمبر په دریمه په یو کنفرانس کې وویل: «.. عدلې وزارت ته هدایت ورکوو چې د تبعیض د لمینځه  وړو په برخه کې د اساسي قانون په بنسټ سراسري اقدامات دی ترسره شي او د لازمه قوانینو یوه مقرره دې تدوین شي.» د دې فرمان له مخې قانون تسوید شو جو تر اوسه ېې په اړه هیڅ معلومات نشته، دا په داسې حال کې ده چې داشان قوانینو ته جدي اړتیا لیدل کیږي. هغه زیاته کړه همداراز لږکي…

Continue Reading «راځې چې ملت جوړونه له لږکیو پیل کړو»

د دولت پراخ دستارخوان ته د ملت نه لاسرسی؛ یوشمیر اړمن د ملي دستارخوان په څنډه د کیناستو ځای نلري.

په هیواد کې اړمنو ته د «ملي دستارخوان» د پروګرام د لومړي پړاو مرستو له ویش سره هم مهاله، د مدني ټولنې او بشري حقونو شبکې په افغانستان کې د مدني ټولنو د چتر بنسټ په توګه، د دغه پروګرام په عملي کیدو د څارنې په موخه  یو پروګرام طرحه کړی دی. د دغې طرحې له مخې د مرستو د ویش د بهیر روڼتیا، د کابل په ګډون په شپاړسو ولایتونو کې مرستو ته د خلکو د لاسرسي څرنګوالی څارل کیږي. د مدني ټولنې او بشري حقونو د شبکې د همغږي کونکو د راپورونو په بنسټ په دغو ۱۶ ولایتونو کې دیرشمیر کورنیو ته مرستې ندي ورسیدلي.  دا په داسې حال کې ده چې د ملي دستارخوان د مرستو د ویش او د دغه پروګرام له پیل سره هم مهاله، د [ ۸ صبح ورځپاڼې] د مسوولانو له قوله خبر ورکړی وو چې ټاکل شوې وه دا مرستې د پروګرام له پیله درې میاشتې وروسته په ټول هیواد کې اړمنو کورنیو ته ورسول شي. د دغه راپور له مخکې د دې طرحې په عملي کیدو کې د ځنډ لامل، امنیتي ستونزې، د یوشمیر ولایتونو لیرې والی او د اړمنو کسانو د نوملړ نه بشپړیدل بلل شوي  دي. د مدني ټولنې او بشري حقونو شبکې همغږي کونکي هڅه کوي چې د رسمي او غیر رسمي لارو څخه د ملي دستارخوان د مرستو د ویش په اړه اطلاعات ترلاسه کړي، د دې بهیر د روڼتیا څخه ډاډ ترلاسه کړي او په دې بهیر کې د هر ډول فساد او سرغړونې په صورت کې د پیښې راپور ورکړي. تراوسه په مختلفو ولایتونو کې اړمنو کورنیو ته د مرستو په رسولو کې د روڼتیا د نشتوالي بیلابیل راپورونه راستول شوي چې په لاندې ډول دي: د لوګر ولایت: د طالبانو لخوا د ملي دستارخوان د پروګرام د مرستو د یوه موټر تښتول…

Continue Reading د دولت پراخ دستارخوان ته د ملت نه لاسرسی؛ یوشمیر اړمن د ملي دستارخوان په څنډه د کیناستو ځای نلري.

د دولت پراخ دستارخوان ته د ملت نه لاسرسی؛ یوشمیر اړمن د ملي دستارخوان په څنډه د کیناستو ځای نلري.

په هیواد کې اړمنو ته د ملي دستارخوان د پروګرام د لومړي پړاو مرستو له ویش سره هم مهاله، د مدني ټولنې او بشري حقونو شبکې په افغانستان کې د مدني ټولنو د چتر بنسټ په توګه، د دغه پروګرام په عملي کیدو د څارنې په موخه  یو پروګرام طرحه کړی دی. د دغې طرحې له مخې د مرستو د ویش د بهیر روڼتیا، د کابل په ګډون په شپاړسو ولایتونو کې مرستو ته د خلکو د لاسرسي څرنګوالی څارل کیږي. د مدني ټولنې او بشري حقونو د شبکې د همغږي کونکو د راپورونو په بنسټ په دغو ۱۶ ولایتونو کې دیرشمیر کورنیو ته مرستې ندي ورسیدلي. دا په داسې حال کې ده چې د ملي دستارخوان د مرستو د ویش او د دغه پروګرام له پیل سره هم مهاله، د [ ۸ صبح ورځپاڼې] د مسوولانو له قوله خبر ورکړی وو چې ټاکل شوې وه دا مرستې د پروګرام له پیله درې میاشتې وروسته په ټول هیواد کې اړمنو کورنیو ته ورسول شي. د دغه راپور له مخکې د دې طرحې په عملي کیدو کې د ځنډ لامل، امنیتي ستونزې، د یوشمیر ولایتونو لیرې والی او د اړمنو کسانو د نوملړ نه بشپړیدل بلل شوي  دي.د مدني ټولنې او بشري حقونو شبکې همغږي کونکي هڅه کوي چې د رسمي او غیر رسمي لارو څخه د ملي دستارخوان د مرستو د ویش په اړه اطلاعات ترلاسه کړي، د دې بهیر د روڼتیا څخه ډاډ ترلاسه کړي او په دې بهیر کې د هر ډول فساد او سرغړونې په صورت کې د پیښې راپور ورکړي. تراوسه په مختلفو ولایتونو کې اړمنو کورنیو ته د مرستو په رسولو کې د روڼتیا د نشتوالي بیلابیل راپورونه راستول شوي چې په لاندې ډول دي: د لوګر ولایت:د طالبانو لخوا د ملي دستارخوان د پروګرام د مرستو د یوه موټر تښتول کیدل؛د ګذر د…

Continue Reading د دولت پراخ دستارخوان ته د ملت نه لاسرسی؛ یوشمیر اړمن د ملي دستارخوان په څنډه د کیناستو ځای نلري.

امنیتي ګواښونه؛ د ولسي مرستو د ویش په وړاندې جدي ستونزه ده

په بیلابیلو ولایتونو کې د مرستو د ویش په اړه د مدني ټولنې او بشري حقونو شبکې د راپورونو په دوام، د دې بنسټ همغږي کونکو د امنیتي ستونزو دوام د مرستو د ویش په وړاندې د ستونزې په توګه یادوي. په تیرو دوه اونیو کې د مدني ټولنې او بشري حقونو د شبکې همغږي کونکو راستولي دي، که څه هم چې په بیلابیلو ولایتونو کې د مرستو ویش  دوام لري خو د امنیتي ګواښونو له امله د څو ولایتونو په یوشمیر برخو کې د مرستو بهیر درول شوی دی.په کاپیسا ولایت کې د مدني ټولنې او بشري حقونو شبکې همغږی کونکی وايي چې د نجراب په ولسوالۍ کې د طالبانو لخوا د امنیتي ګواښونو له امله د مرستو ویش بند شوی دی. همداراز د هغه په وینا د اله سای ولسوالۍ د امنیت د نشتون له امله  د ملي دستارخوان پروګرام تر پوښښ لاندې نده راغلی. اخوا یوشمیر راپورونه وايي چې مسوولان په یوشمیر کلیو کې اړمنو او شتمنو ته په یوشان مرستو په ویشلو ټینګار لري او وايي چې دا مرستې باید اړمنو او شتمنو ته د ملي مرستو په توګه وویشل شي. دا په داسې حال کې ده چې په کاپیسا ولایت کې د کوید ۱۹ روغتون د وضعیت په اړه راپور د قناعت وړ دی. اخوا د لوګر ولایت څخه د ترلاسه شویو اطلاعاتو له مخې په دې ولایت کې د امنیتي ستونزو شتون د دې لامل شوی دی چې د دغه ولایت په ډیرو سیمو کې د مرستو ویش بهیر ځنډیدلی پاتی شی. د مسوولانو په وینا هغه سیمې چې د مرستو و یش پکې روان دی د خوشي ولسوالۍ مرکزچې د کلیو او پراختیا ریاست تر نظرلاندې دی، د برکي برک، محمد آغې،ازره، خروار او څرخ ولسوالۍ د یوې غیر دولتي مسووې تر نظر لاندې دي. په لوګر ولایت کې د مدني ټولنې…

Continue Reading امنیتي ګواښونه؛ د ولسي مرستو د ویش په وړاندې جدي ستونزه ده

د جګړو په لړ کې له بدخشانه، د سولې غږ

د افغانستان د مدني ټولنې او بشري حقونو شبکې او د بشري حقونو او تاوتریخوالیو د لمنځه وړو موسسې د ۲۰۲۰ میلادي کال د اکتوبر په نولسمه د بدخشان ولایت په فیض آباد ښار کې، «د افغانستان د سولې په بهیر کې د زیانمنونکو لږکیو پراخ حضور» تر عنوان لاندې یو ورځنی کنفرانس جوړ کړ.  په دې کنفرانس کې اتیا تنو چې دولتي چارواکي، د ولایتي شورا غړي، مدني فعالان، د قرغز، واخي، ګجر، بلوڅو، نورستاني او ساداتو قومي مشرانو او سپینږیرو ګډون کړی وو. د یادونې وړ ده چې د یوشمیر دولتي او غیر دولتي  پوهنتونونو استادانو او محصلانو هم په دې کنفرانس کې ګډون کړی وو.  د بدخشان د والي مرستیال اختر محمد خیرزاده، د بدخشان ولایت د بشري حقونو د کمیسیون مشره آغلې عارفه نوید، د ولایتي شورا غړی ښاغلی محمد ذاکر آرین، د برنا پوهنتون رییس ښاغلی آدینه محمد امیني، د بدخشان د پوهنتون استاد ښاغلی سیاس نوري، د بدخشان د پوهنتون استاد ښاغلی صفي الله ظریفي او آغلې برګ ګل خلیلي د بدخشان پوهنتون استاده د دې غونډې ویناوال وو.  د خپرونې په پیل کې د بشري حقونو او تاوتریخوالیو د لمنځه وړو موسسې څیړونکي ښاغلي علي پیام نادري، د «د افغانستان د سولې په بهیر کې د زیانمنونکو لږکیو پراخ حضور» ترعنوان لاندې د څیړنې موندنې بیان کړې.  د دې خپرونې نورې برخې چې خبري کنفرانس ته ځانګړې شوې وې، د بدخشان ولایت د مدني ټولنې مرستیاله آغلې ستورۍ یزدان پرست، د بلوڅ د قوم یو تن منتقد ښاغلی عبدالرحمان محمودي، د واخان د قرغزیانو د شورا مشر ښاغلی سلطان محمد، د بدخشان د کوچیانو د همغږې مدیر ښاغلی زاهد، او په بدخشان ولایت کې د افغانستان د مدني ټولنې او بشري حقونو شبکې همغږی کونکی سیدجوان دروازیان، د دغه  کنفرانس د پنل ویناوال وو.  د کنفرانس په پیل کې، د افغانستان…

Continue Reading د جګړو په لړ کې له بدخشانه، د سولې غږ